25 anos de Solidariedade Galega

A pesca é a principal actividade económica da Rexión Autónoma do Atlántico Norte de Nicaragua. As profundidades ás que se teñen que mergullar os mergulladores para conseguir lagosta obríganlles a poñer en risco as súas vidas e en moitos casos terminan con graves lesións, incluso paraplexías, por enfermidade por descompresión. Un equipo de Solidariedade Galega acudiu á zona de Porto Cabezas para consultar e, na medida do posible, tratar a este colectivo que se ve afectado pola ignorancia á hora de mergullar, ademais de neglixencias e abusos.

“Non che doe?” recolle testimonios das desigualdades que existen entre sociedades, pero tamén do gran traballo que realizan as persoas integrantes das brigadas sanitarias de Solidariedade Galega en Nicaragua.Todo elo, da man dos/as seus/súas protagonistas.

O rostro iluminado de Arling cos seus novos lentes, o sorriso de Anielka ó poder ler despois de vivir anos case cega, a alegría dos nenos do colexio de Murra por un simple cepillo de dentes, a entereza de Flavia malia saber dende ben cedo o dura que é a vida, os fermosos ollos de Isaí, que levaba meses co brazo roto ou a emoción de ver nacer un bebé cuxo nome descoñecemos…

Estas son algunhas das cousas que se poden ver neste documental de AGARESO. Historias de nenos/as, mulleres ou anciáns que contan en primeira persoa parte das súas vidas, composta como a de todos, por alegrías e penas, aínda que inmersas nunha realidade ben distinta, a pobreza.